భక్తి

అక్షరమాలను అపురూపంగా అమర్చి కూర్చిన శివ స్తోత్రం

2012-02-20T00:01:00.070-05:00

శివరాత్రి శుభాకాంక్షలు

శివుని అక్షర మాల లో ప్రతి ఒక్క అక్షరం తో ఒక్కొక్క పంక్తి ప్రారంభం అయ్యేలా వర్ణించే అక్షర మాలాస్తవం 'సాంబ సదాశివ స్తోత్రం'. ఇందులో ఋ, ఋ ల తరువాత వచ్చే అలు, అలూ లకు ప్రస్తుతం ఉన్న లిపిలో అక్షరాలు లేవు. బహుశా ఇవి వాడుకలో లేక పోవడం వలనేమో. వాటి స్థానే ళు, ళూ లు ఉపయోగించారు స్తోత్ర రచయితలు. ఈ శివ అక్షర మాలా స్తవం ఎవరు వ్రాసారో తెలియదు. కాని మన అక్షర మాలలోని ఇంచు మించు ప్రతి ఒక్క అక్షరం తో ప్రారంభం అయ్యేలా ఈ స్తోత్రాన్ని రచించడం అపూర్వమైన విషయం. ఇది ఒకసారి నా "స్వగతం" బ్లాగులో ప్రస్తావించాను. మరల శివరాత్రి సందర్భంగా గుర్తు చేసుకోవాలనిపించింది.

గానం: శ్రీ హరి అచ్యుత రామ శాస్త్రి

సాంబసదాశివ స్తోత్రం మొదటి భాగం - ఇక్కడ క్లిక్ చేయండి
సాంబ సదాశివ స్తోత్రం రెండవ భాగం - ఇక్కడ క్లిక్ చేయండి

శ్రీ సాంబ సదాశివ అక్షరమాలాస్తవః

సాంబసదాశివ సాంబసదాశివ సాంబసదాశివ సాంబశివ ||

అద్భుతవిగ్రహ అమరాధీశ్వర, అగణితగుణగణ అమృతశివ (2) | సాంబ |

ఆనందామృత ఆశ్రితరక్షక ఆత్మానంద మహేశశివ (2) | సాంబ |

ఇందుకళాధర ఇంద్రాదిప్రియ, సుందరరూప సురేశశివ (2) | సాంబ |

ఈశసురేశమహేశ జనప్రియ, కేశవసేవిత పాదశివ (2) | సాంబ |

ఉరగాదిప్రియ భూషణ శంకర, నరకవినాశ నటేశశివ (2) | సాంబ |

ఊర్జితదానవనాశ పరాత్పర, ఆర్జిత పాపవినాశశివ (2) | సాంబ |

ఋగ్వేదశ్రుతి మౌళి విభూషణ, రవిచంద్రాగ్ని త్రినేత్రశివ (2) | సాంబ |

ౠపమనాది ప్రపంచ విలక్షణ, తాపనివారణ తత్వశివ (2) | సాంబ |

లింగస్వరూప సర్వ బుధప్రియ మంగళ మూర్తి మహేశశివ (2) | సాంబ |

ళూతాధీశ్వర రూపప్రియశివ వేదాంతప్రియ వేద్యశివ (2) | సాంబ |

ఏకానేక స్వరూప విశ్వేశ్వర లోహిహృదిప్రియ వాసశివ (2) | సాంబ |

ఐశ్వర్యాశ్రయ చిన్మయ చిద్ఘన అచ్యుతానంత మహేశశివ (2) | సాంబ |

ఓంకారప్రియ ఉరగవిభూషణ, హ్రీంకారాది మహేశశివ (2) | సాంబ |

ఔరసలాలిత అంతకనాశన, గౌరిసమేత గిరీశశివ (2) | సాంబ |

అంబరవాస చిదంబరనాయక, తుంబురునారద సేవ్యశివ (2) | సాంబ |

ఆహారప్రియ ఆదిగిరీశ్వర, భోగాదిప్రియ పూర్ణశివ (2) | సాంబ |

కమలాక్షార్చిత కైలాసప్రియ, కరుణాసాగర కాంతిశివ (2) | సాంబ |

ఖడ్గశూల మృగ ఢక్కాధ్యాయుత, విక్రమరూప విశ్వేశశివ (2) | సాంబ |

గంగాగిరిసుత వల్లభ గుణహిత, శంకరసర్వ జనేశశివ (2) | సాంబ |

ఘాతకభంజన పాతకనాశన, గౌరీసమేత గిరిశశివ (2) | సాంబ |

జ్ఞజ్ఞాశ్రిత శృతిమౌళి విభూషణ, వేదస్వరూప విశ్వేశశివ (2) | సాంబ |

చండ వినాశన సకల జనప్రియ, మండలాధీశ మహేశశివ (2) | సాంబ |

ఛత్రకిరీట సుకుండలశోభిత, పుత్రప్రియ భువనేశశివ (2) | సాంబ |

జన్మజరామృతి నాశనకల్మష, జరహితతాప వినాశశివ (2) | సాంబ |

ఝంకారాశ్రయ భృంగిరిట ప్రియ, ఒంకారేశ మహేశశివ (2) | సాంబ |

జ్ఞానాజ్ఞాన వినాశక నిర్మల, దీనజనప్రియ దీప్తశివ (2) | సాంబ |

టంకాధ్యాయుత ధారణ సత్వర, హ్రీంకారాది సురేశశివ (2) | సాంబ |

ఠంకస్వరూప సహకారోత్తమ, వాగీశ్వర వరదేశశివ (2) | సాంబ |

డంభ వినాశన డిండిమభూషణ, అంబరవాస చిదీశశివ (2) | సాంబ |

ఢంఢం డమరుక ధరణీనిశ్చల, ఢుంఢి వినాయక సేవ్యశివ (2) | సాంబ |

నళిన విలోచన నటనమనోహర, అళికులభూషణ అమృతశివ (2) | సాంబ |

తత్వమసిత్యాది వాక్య స్వరూపగ, నిత్యానంద మహేశశివ (2) | సాంబ |

స్థావరజంగమ భువనవిలక్షణ, భావుక మునివర సేవ్యశివ (2) | సాంబ |

దుఃఖవినాశన దళితమనోన్మన, చందనలేపిత చరణశివ (2) | సాంబ |

ధరణీధర శుభధవళ విభాస్వర, ధనదాది ప్రియ దానశివ (2) | సాంబ |

నానామణిగణ భూషణ నిర్గుణ, నటన జనప్రియ నాట్యశివ (2) | సాంబ |

పన్నగభూషణ పార్వతినాయక, పరమానంద పరేశశివ (2) | సాంబ |

ఫాలవిలోచన భానుకోటి ప్రభ, హాలాహలధర అమృతశివ (2) | సాంబ |

బంధవినాశన బృహదీసామర, స్కందాదిప్రియ కనకశివ (2) | సాంబ |

భస్మవిలేపన భవభయనాశన, విస్మయరూప విశ్వేశశివ (2) | సాంబ |

మన్మథనాశన మధుపానప్రియ, సుందర పర్వతవాసశివ (2) | సాంబ |

యతిజన హృదయ నివాసిత ఈశ్వర విధి విష్ణ్వాది సురేశశివ (2) | సాంబ |

రామేశ్వర రమణీయ ముఖాంబుజ, సోమేశ్వర సుకృతేశశివ (2) | సాంబ |

లంకాధీశ్వర సురగణసేవిత, లావణ్యామృత లసితశివ (2) | సాంబ |

వరదాభయకర వాసుకిభూషణ, వనమాలాది విభూషశివ (2) | సాంబ |

శాంతిస్వరూప జగత్రయ చిన్మయ కాంతిమతిప్రియ కనకశివ (2) | సాంబ |

షణ్ముఖజనక సురేంద్రమునిప్రియ, షాడ్గుణ్యాది సమేతశివ (2) | సాంబ |

సంసారార్ణవ నాశన శాశ్వత, సాధుహృది ప్రియవాసశివ (2) | సాంబ |

హర పురుషోత్తమ అద్వైతామృత, పూర్ణమురారి సుసేవ్యశివ (2) | సాంబ |

ళాళితభక్త జనేశనిజేశ్వర, కాళినటేశ్వర కామశివ (2) | సాంబ |

క్షరరూపాది ప్రియాన్వితసుందర, సాక్షిజగత్రయ స్వామిశివ (2) | సాంబ |

సాంబసదాశివ సాంబసదాశివ సాంబసదాశివ సాంబశివ ||

శ్రీ విష్ణు సహస్రనామ స్తోత్రం - దృశ్య, శ్రవణ, సాహిత్యంతో

2012-02-03T07:04:00.001-05:00

అందరికీ భీష్మ ఏకాదశి శుభా కాంక్షలు

శ్రీ విష్ణు సహస్రనామ స్తోత్రం

మొదటి భాగం

రెండవ భాగం

ఆఖరి భాగం

సర్వే జనా సుఖినో భవంతు

సూర్య జయంతి శుభాకాంక్షలు

2012-01-30T00:01:00.041-05:00

రథ సప్తమి శుభాకాంక్షలు

మకర సంక్రాంతికి సూర్యుడు ఉత్తరాయణంలో ప్రవేశిస్తాడు. ఏడు గుర్రాల రథములో మొదలయిన ఆయన ప్రయాణం మాఘ మాసం, శుక్ల పక్షం లో ఏడవ తిథి అయిన సప్తమినాడు ఉత్తరాభిముఖమై సూర్య రథ చక్రాలు ఈశాన్య పరంగా తిరుగుతాయి. ఈ దినాన సూర్యుడు కశ్యప మహర్షి-అత్రిల పుత్రుడుగా జన్మించాడు. అందువలన ఈ రోజే సూర్య జయంతి. దీనినే రథసప్తమి అని అంటారు. ఈ సంవత్సరం (2012) మనకు రథసప్తమి జనవరి 30 వ తారీఖున పడింది.

ఈ రోజు ప్రాతః కాలాన్నే సూర్యోదయానికి ముందు లేచి స్నానం చేసి ఆ సూర్యదేవుని పూజిస్తారు. ఆంద్ర ప్రదేశ్ లో శ్రీకాకుళం సమీపాన గల అరసవిల్లి (హర్షవిల్లి) సూర్యనారాయణ దేవాలయంలో ఈ రోజు ఎంతో ఉత్సాహంతో భక్తులు సూర్యదేవుని కొలుస్తారు. ఈ దేవాలయం విశిష్టత ఏమిటంటే సంవత్సరంలో రెండు మార్లు, ఆరు మాసాల వ్యవధిలో సూర్య కిరణాలు నేరుగా స్వామివారి పాదాలపైన కొద్ది క్షణాలు మాత్రమె పడతాయి. ఈ అద్భుతం చూడటానికి పలు ప్రాంతాల నుండి భక్తులు వేల సంఖ్యలో వస్తారు.

సూర్య దేవుని స్మరిస్తూ నవగ్రహ స్తోత్రంలోని ఈ శ్లోకాన్ని పారాయణం చేస్తే మనకు మేలు కలుగుతుందని, ఆయురారోగ్యాలు లభిస్తాయని భక్తుల విశ్వాసం.

సూర్య శ్లోకం

జపా కుసుమ సంకాశం కాశ్యపేయం మహాద్యుతిం

తమోరిం సర్వ పాపఘ్నం ప్రణతోస్మి దివాకరం

ప్రతి పదార్ధం: జపాకుసుమం = మందార పువ్వు; సంకాశం = ఒప్పియుండు, వలె నుండు; కాశ్యపేయం = కశ్యపుని తనయుడు; మహా = మిక్కిలి; ద్యుతిం = కాంతి వంతమైన; తమోరిం = తమః + అరిం; తమః = చీకటి, తమస్సు; అరిం = శత్రువును; సర్వ = అన్ని; పాపఘ్నం = పాపములను దహించువాడు; ప్రణతోస్మి = నమస్కారము, ప్రణామము; దివాకరం = సూర్యునికి.

తాత్పర్యం: మందార పువ్వు వంటి ఎర్రని రంగు గలవాడు, కశ్యప ప్రజాపతి పుత్రుడు, మిక్కిలి కాంతివంతమైన వాడు, చీకటికి శత్రువు, సమస్త పాపములను దహింప జేయువాడు అయిన సూర్యునకు నమస్కారం.

వసంత పంచమి శుభాకాంక్షలు

2012-01-27T22:55:00.000-05:00

సరస్వతీ నమస్తుభ్యం వరదే కామ రూపిణీ

విద్యారంభం కరిష్యామి సిద్ధిర్భవతు మే సదా

అందరికీ వసంత పంచమి శుభాకాంక్షలు

శుభాకాంక్షలు

2012-01-01T00:05:00.003-05:00

వినా వెంకటేశం ననాథో ననాథః

సదా వెంకటేశం స్మరామి స్మరామి

హరే వెంకటేశం ప్రసీద ప్రసీద

ప్రియం వెంకటేశం ప్రయచ్చ ప్రయచ్చ

ఎందఱో బ్లాగ్ మిత్రులు

అందరికీ

నూతన సంవత్సర శుభాకాంక్షలు

శుభం భూయాత్

సూర్యనారాయణ వులిమిరి

మంగళ శ్లోకం - సర్వ మంగళ మాంగళ్యే

2011-12-21T19:43:00.000-05:00

సర్వమంగళ మాంగళ్యే శివే సర్వార్థ సాధికే

శరణ్యే త్రంబకే దేవీ నారాయణి నమోస్తుతే

ప్రతి పదార్థము: సర్వమంగళ మాంగళ్యే = శుభకరమైన వాటన్నింట శుభకరమైనది /మంగళకరమైనది (సర్వమంగళ నామము చేత మంగళ స్వరూపురాలైనది); శివే = శివ సతి అయిన శక్తి లేదా పార్వతి; సర్వ = అన్ని; అర్థ = అర్థములను (ధర్మ+అర్థ+కామ+మోక్ష అను చతుర్విధ పురుషార్థములు); సాధికే = సాధించినది; శరణ్యే = శరణము/ఆశ్రయము కల్పించేది; త్రంబకి = త్రి + అంబకి = మూడు కన్నులు గలవాని దేవేరి, అనగా పార్వతి; దేవి = దేవి/దేవత; నారాయణి = పార్వతి; తే = నీకు; నమః = నమస్కారము/ప్రణామము; అస్తు = అగు గాక.

తాత్పర్యము: మంగళ కరమైన వాటన్నిటిలోనూ అతి మంగళకరమై, సర్వ మంగళ నామధేయురాలవై, అన్ని అర్థములను సాధించి, శరణు జొచ్చిన వారికి ఆశ్రయమిచ్చే, ముక్కంటి దేవర అయిన శివుని అర్ధాంగి అయిన ఓ! పార్వతీ, ఓ! దుర్గాదేవీ, ఓ! నారాయణీ, నీకు నమస్కరిస్తున్నాను.

ఆది శంకరాచార్య కృత నిర్వాణ షట్కము

2011-11-07T05:00:00.009-05:00

జగద్గురువు ఆది శంకరాచార్యుల వారు ఒకసారి హిమాలయ ప్రాంతంలో సరియైన గురువు కోసం అన్వేషిస్తుండగా ఒక సన్యాసి ఎదురొచ్చి, "నువ్వు ఎవరివి?" అని ప్రశ్నించాడు. దానికి సమాధానంగా శ్రీ ఆది శంకరులవారు మొత్తం అద్వైత వేదాంతాన్ని ఆరు శ్లోకాల రూపంలో "నిర్వాణ షట్కము" గా పలికారట. ఇది తను (అహం) అనుకునే ఆత్మ వివరణ కనుక దీనినే "ఆత్మ షట్కము" అని కూడా అంటారు. నిర్వాణం అంటే సంపూర్ణ సమదృష్టి, ప్రశాంతత, స్వేచ్చ, ఆనందము (సత్+చిత్+ఆనందం = సచ్చిదానందం) మిళితమైన ఒక అచేతన స్థితి. అదే సచ్చిదానందం.

గానం: ఎస్.పి. బాల సుబ్రహ్మణ్యం

శివోహమ్ శివోహమ్ శివోహమ్

1. మనో బుద్ధ్యహంకార చిత్తాని నాహమ్

న చ శ్రోత్ర జిహ్వే న చ ఘ్రాణ నేత్రే

న చ వ్యోమ భూమిర్ న తేజో న వాయుః